لاہور( این این آئی) اداکار ہ صاحبہ نے انکشاف کیا ہے کہ ان کے شوہر افضل خان نے انہیں ڈوبنے سے بچایا تھا۔اداکارہ نے ایک انٹر ویو میں بتایا کہ ایک پروجیکٹ کی شوٹنگ کے دوران سمندر میں ریکارڈنگ کروارہے تھے، شوٹنگ مکمل ہونے کے بعد افضل خان ساحل پر واپس آگئے اور بعد میں دیکھا کہ میں تو ہوں ہی نہیں پھر معلوم ہوا کہ میں تو لہروں کے ساتھ کہیں دور نکل گئی ہوں۔
اداکارہ نے بتایا کہ جیسے ہی افضل نے یہ دیکھا کہ لہر مجھے بہا کر لے گئی تو وہ حقیقی ہیرو بن گئے اور انہوں نے فوری مجھے بچانے کے لے سمندر میں چھلانگ لگادی۔صاحبہ کے مطابق ان کی حقیقی زندگی میں بھی ایسے کئی فلمی واقعات ہوئے جس میں افضل خان نے ہیرو بن کر ان کی زندگی بچائی تھی۔
