لاہور( این این آئی)معروف اداکارہ میرا نے کہا کہ میڈیا نے میری شادی ضرور کروانی ہے، ڈولی میں تو آپ سب صحافیوں نے مجھے بٹھانا ہے۔،ہاتھ میں فریکچر سے شوٹنگز رک گئی تھیں تاہم اب دوبارہ فلم کی شوٹنگ شروع کررہی ہوں۔میڈیا سے گفتگو کرتے ہوئے انہوںنے بتایا کہ وہ جلد اہم پراجیکٹس میں نظر آئیں گی، خلیل الرحمان قمر تیس اقساط پر مشتمل ایک ڈرامہ لکھ رہے ہیں وہ اس میں بھی نظر آئیں گی۔

شادی کے سوال پر میرا نے کہا کہ ڈولی میں تو مجھے صحافیوں نے بٹھانا ہے، جسے مجھ سے شادی کا دعوی ہے وہ سامنے آئے کیونکہ میڈیا نے تو میری شادی ضرور کروانی ہے۔اداکارہ نے کہا کہ وہ وزیراعلی پنجاب مریم نواز کی بڑی مداح ہیں اور مریم نواز صوبے کیلئے بہترین کام کررہی ہیں، مجھے یقین ہے کہ وزیر اعظم شہباز شریف اور وزیر اعلی پنجاب مریم نواز کی ٹیمز مہنگائی پر قابو پالیں گی۔شہبازشریف اور مریم نواز کی ٹیم سے توقعات ہیں، دونوں کی اچھی ٹیم ہے اور کارکردگی میں دونوں کا امتزاج بہترین ہے ،الیکشن لڑنے کا کوئی ارادہ نہیں اور اصل فوکس کام پر ہے۔