ممبئی(این این آئی) بالی ووڈ اداکار اور فلمی مبصر کمال راشد خان المعروف کے آر کے کو فلسطینیوں کی حمایت میں بولنے پر بھارتیوں نے تنقید کا نشانہ بنا ڈالا۔سوشل میڈیا سائٹ ایکس پر جاری پیغام میں کمال ارشد نے کہا تھا کہ اسرائیل غزہ پر مزید حملے کررہا ہے اور بیگناہ فلسطینیوں کا قتل کررہا ہے۔

اداکار نے کہا تھا کہ اسرائیل، بیگناہ فلسطینیوں کا قتل کرکے ان لوگوں کو واپس نہیں لاسکتا جو حماس کے حملوں کے دوران ہلاک ہوئے، حتی کہ لاکھوں فلسطینیوں کا قتل کرکے بھی وہ اپنے اسرائیلی عوام کو واپس نہیں لاسکتا۔کمال راشد خان کو فلسطینیوں کے حق میں بولنے پر بھارتی شدید تنقید کا نشانہ بنایا رہے ہیں، منیش کمار نامی صارف نے اداکار کو بے شرم قرار دیا جبکہ ایک صارف نے طنزیہ انداز میں کہا کہ جنگ ہی حل ہے، اب اس جنگ کو انجوائے کریں ،اگر آپ یہ دیکھ کر جذباتی ہورہے ہیں تو غزہ جائیں اور جہادیوں کا ساتھ دیں۔