ممبئی (مانیٹرنگ ڈیسک ، این این آئی)بالی ووڈ سٹار شاہ رخ خان کے بیٹے آریان خان نے اپنے کپڑوں کا برانڈ لانچ کردیا جسے سوشل میڈیا پر شدید تنقید کا نشانہ بنایا جارہا ہے۔اداکار کے مداح اس برانڈ کے شدت سے منتظر تھے کیونکہ اس کی تشہیری مہم شاہ رخ خان نے خود چلائی اور وہ اس کے برانڈ ایمبیسڈر تھے۔
جیسے ہی برانڈ کی لانچنگ کا اعلان ہوا تو مداحوں کی بڑی تعداد نے خریداری کیلئے ویب سائٹ کا رخ کیا لیکن وہاں کپڑوں کی قیمتیں دیکھ کر ان کے ہوش اڑ گئے۔آریان خان کے برانڈ میں صرف جیکٹ کی قیمت دولاکھ، شرٹ کی قیمت 33 ہزار اور ٹی شرٹ کی قیمت 24 ہزار انڈین روپے رکھی گئی ہے۔سوشل میڈیا صارفین مہنگے کپڑوں پر انتہائی ناخوش ہیں اور انہوں نے شاہ رخ اور ان کے بیٹے کو شدید تنقید کا نشانہ بناتے ہوئے برانڈ کو لوٹ مار کا ذریعہ قرار دیا ہے۔دوسری جانب بالی ووڈ کنگ شاہ رخ خان ایک بار پھر اپنی آنے والی نئی فلم ڈنکی کے باعث پریشانی میں مبتلا ہوگئے۔کنگ خان کی نئی آنے والی فلم جوان کے بعد ڈنکی کے سیٹ سے بھی کچھ سینز سوشل میڈیا پر لیک ہوگئے۔کنگ خان ان دنوں کشمیر میں راجکمار ہیرانی کی ہدایت کاری میں بننے والی فلم ڈنکی کی شوٹنگ میں مصروف ہیں۔تاہم اب فلم کے سیٹ سے ایک گانے کی لیک ویڈیوز مختلف سوشل میڈیا پلیٹ فارمز پر وائرل ہو رہی ہے۔
