لاہور( این این آئی)بھارت کے مشرقی پنجاب میں رہنے والے مجسمہ ساز نے پاکستان کے لیجنڈ گلوکار شوکت علی مرحوم کی فنی خدمات کو خراج تحسین پیش کرنے کیلئے ان کا مجسمہ تیار کر لیا جسے کسی معروف شاہراہ کے چوراہے میں نصب کیا جائے گا ۔گلوکار شوکت علی
مرحوم کے پاکستان کے علاوہ دنیا بھر خصوصاً بھارتی پنجاب میں پرستاروں کی بہت بڑی تعداد موجود ہے جو ان کے انتقال کی خبر سے غمگین ہو گئے اور سوشل میڈیا پر اس کا اظہار بھی کیا گیا ۔ بھارت کے مشرقی پنجاب کے مجسمہ ساز منجیت سنگھ گل نے پاکستان کے لیجنڈ گلوکار شوکت علی مرحوم کی فنی خدمات کو خراج تحسین پیش کرنے کے لئے ان کا مجسمہ تیار کیا ہے اور ان کا کہنا ہے کہ اسے حتمی شکل دینے کے بعد بہت جلد کسی معروف شاہراہ کے چوراہے میں نصب کر دیاجائے گا۔ پاکستا ن سمیت دنیا بھر سے پرستاروں کی جانب سے شوکت علی کے انتقال پر ان کے صاحبزادوں کو تعزیتی ٹیلیفون کالز کی جارہی ہیں۔