لاہور (آن لائن) بھارتی سوشل میڈیا صارفین بھی اداکارہ سجل علی کی اداکاری کے معترف ہوگئے ۔ اداکارہ سجل علی کی27 ویں سالگرہ پرپاکستانی مداحوں کے ساتھ ساتھ بھارتی سوشل میڈیا صارفین نے انہیں سالگرہ کی مبارکباد دیتے ہوئے سجل علی کے بہترین ڈراموں میں ان کے

کرداروں کی تصاویر شیئر کرتے ہوئے لکھا کہ وہ پاکستانی کی بہترین اداکارہ ہیں ۔صارفین نے اس موقع پر اداکارہ کے لئے نیک تمناوں کا اظہار بھی کیا۔ یاد رہے کہ 1994ء میں لاہور میں پیدا ہونے والی اداکارہ سجل علی 27برس کی ہو گئیں۔ انہوں نے 2009 میں ڈرامہ سیریل نادانیاں سے اداکاری کی دنیا میں قدم رکھا جس کے بعد وہ2011میں ڈرامہ سیریل محمود آباد کی ملاکائیں میں دکھائی دیں جس میں ان کے کام کو شائقین کی جانب سے بے حد سراہا گیا۔ اس کے بعد وہ ڈرامہ سیریل محبت جائے بھاڑ میں، ستم گر، میری لاڈلی، قددوسی صاحب کی بیوہ، گل رعنا،ننھی، سناٹا، چپ رہو، خدا دیکھ رہا ہے شامل ہیں ۔