ممبئی (این این آئی)بالی ووڈ سٹار انیل کپور نے معاوضے کے فرق سے متعلق سوال پر کرینہ کپور خان کو لاجواب کردیا۔ بھارتی فلم انڈسٹری میں مرد اور خواتین کے معاوضے میں فرق کی جنگ کئی برس سے جاری ہے، تاہم جب یہ بات انیل کپور اور کرینہ کپور کے درمیان چھڑی تو اداکارہ لاجواب ہوگئیں۔انیل کپور جو آج کل اپنی فلم’اے کے بمقابلہ اے کے‘ کی پرمووشن میں مصروف ہیں،
وہ کرینہ کپور کے چٹ چیٹ شو ’واٹ وومن وانٹ‘ میں پہنچ گئے جہاں کرینہ کپور نے مرد اور خواتین اداکاروں کے معاوضے میں فرق کا تذکرہ کیا، ساتھ ہی مثال دی کہ ہالی ووڈ میں بہت سے مرد اداکار اپنی خواتین کو برابری کا معاوضہ دینے کے حامی ہیں۔اس پر انیل کپور نے اداکارہ سے کہا کہ تم نے تو مجھ بہت زیادہ پیسے لئے ہیں جس پر کرینہ کپور ہنس دیں اور خاموش ہوگئیں۔انہوں نے ساتھ ہی بات بدلتے ہوئے کہا کہ ہم بہت سی رکاوٹیں توڑرہے ہیں اور ہم ایسا کررہے ہیں، لیکن اب بھی کچھ ہیں جو ہمارا راستہ روکتے ہیں۔اس پر انیل کپور نے واقعہ شیئر کرتے ہوئے کہا کہ مجھے پروڈیوسر نے فون کیا اور کہا کہ کرینہ کپور تو ہیرو جتنا معاوضہ مانگ رہی ہے، اس پر میں نے انہیں کہاکہ وہ جو مانگ رہی ہے دے دو۔بھارتی فلم سٹار نے دعویٰ سے کہا کہ فلم انڈسٹری کی تمام نامور اداکاراؤں نے اپنی بہترین فلمیں میرے ساتھ کی ہیں، اس دوران انہوں نے جدائی فلم کی مثال بھی پیش کی جب ان کے مقابل دو خواتین اداکاروں نے پرفارم کیا۔کرینہ کپور نے شو کے آغاز میں ہی کہا کہ اب فلم انڈسٹری میں خواتین کیلئے حالات بدل رہے ہیں، اس پر آپ کی کیا رائے ہے۔اس پر انیل کپور نے جواب دیتے ہوئے کہا کہ میں نے ہمیشہ خواتین کو خود سے بالا تر محسوس کیا ہے، انہیں یہ احساس بھی کروانا چاہیے، میری بیوی اور بیٹی اپنے فیصلے خود کرتی ہیں۔
