گجرات (نیوز ڈیسک) اسلام کی خاطر گزشتہ ماہ شوبز دنیا کو خیرباد کہنے والی بھارتی اداکارہ ثناء خان نے معروف اسلامی اسکالر سے شادی کر لی۔بھارت کی معروف اداکارہ نے خاموشی سے معروف اسلامی سکالر مولانا انس سے شادی کر لی ہے، سوشل میڈیا پر ان کی تصاویروائرل ہیں۔ ابھی تک اداکارہ نے باقاعدہ شادی کا اعلان نہیں کیاہے۔ یاد رہے کہ اداکارہ نے شوبز کو چھوڑتے وقت ایک طویل پیغام انسٹاگرام پر جاری کیا تھا، جس میں انہوں نے کہا کہ تھا کہ آج میں اپنی زندگی کے ایک اہم موڑ پر آپ سے بات کر رہی ہوں۔میں سالوں
سے شوبز کی زندگی گزار رہی ہوں، اور اس عرصے میں مجھے ہر طرح کی شہرت، عزت اور دولت اپنے چاہتے والوں کی طرف سے نصیب ہوئی جس کے لئے میں ان کی شکر گزار ہوں لیکن اب کچھ دن سے مجھ پر یہ احساس قبضہ جمائے ہوئے ہے کہ انسان کے دنیا میں آنے کا مقصد صرف یہ ہے کہ وہ دولت اور شہرت کمائے؟ کیا اس پریہ فرض نہیں ہوتا وہ اپنی زندگی ان لوگوں کی خدمت میں گزارے جو بے آسرا اور بے سہارا ہیں۔کیا انسان کو یہ نہیں سوچنا چاہئے کہ اسے کسی بھی وقت موت آ سکتی ہے اور مرنے کے بعد اس کا کیا بننے والا ہے ان دو سوالوں کا جواب میں مدت سے تلاش کر رہی ہوں خاص طور پر اس دوسرے سوال کاجواب کہ مرنے کے بعد میرا کیا بنے گا۔اس سوال کا جواب جب میں نے اپنے مذہب میں تلاش کیا تو مجھے پتہ چلا کہ دنیا کی یہ زندگی اصل میں مرنے کے بعد کی زندگی کو بہتر بنانے کے لئے ہے اور وہ اسی صورت میں بہتر ہو گی جب بندہ اپنے پیدا کرنے والے کے حکم کے مطابق زندگی گزارے اور صرف دوست اور شہرت کو اپنا مقصد نہ بنائے بلکہ گناہ کی زندگی سے بچ کر انسانیت کی خدمت کرے اور اپنے پیدا کرنے والے کے بتائے ہوئے طریقوں پر چلے۔
