کراچی(این این آئی)اداکار فیروز خان نے پاکستان پیپلز پارٹی کے چیئرمین بلاول بھٹو کی بہن بختاور بھٹو سے خواتین اور بچیوں کے ساتھ ہونے والی  واقعات کے حوالے سے سوال کرتے ہوئے کہا ہے کہ کیا آپ کی پارٹی جاگ گئی۔تفصیلات کے مطابق لاہور موٹر وے پر

افسوسناک واقعے نے پورے ملک کو ہلا کر رکھ دیا ہے۔  چیئرمین پاکستان پیپلز پارٹی بلاول بھٹو زرداری کی بہن بختاور بھٹو نے بھی لاہور موٹروے حادثے پر ٹوئٹ کرتے ہوئے کہا مدرسوں سے لے کر  پارکنگ، گھروں میں خواتین و بچوں سے لے کر جانوروں تک عصمت دری کے بڑھتے ہوئے واقعات کو نظر انداز کیا گیا۔  آگے بڑھنے کا واحد راستہ  دکھاوا کرنے کے بجائے تعلیم ہے۔ ہمیں  مقابلہ کرنے، آواز اٹھانے اور بہتر تعلیم دینے کی ضرورت ہے۔فیروز خان نے بختاور بھٹو کے اس ٹوئٹ پر ردعمل دیتے ہوئے کہا میں آپ سے پوچھنا چاہتاہوں اتنے سال اقتدار میں رہتے ہوئے آپ کی پارٹی نے کیا کیا؟ کیا آخر کار آپ لوگ جاگ گئے؟

موضوعات:ادا کار فیروز خان کا بختاوربھٹو سے چھبتاہوا سوال