اسلام آباد(مانیٹرنگ ڈیسک)بھارتی سپر سٹار عرفان خان کے ساتھ فلم ’’ہندی میڈیم‘‘ میں کام کرنے والی پاکستانی خوبرو اداکارہ صبا قمر نے بھی ان کے انتقال پر دکھ کا اظہار۔ تفصیلات کے مطابق پاکستانی اداکارہ نے کہا ہے کہ عرفان خان عظیم اداکار تھے میں نے ہندی میڈیم کے دوران ان سے بہت کچھ سیکھا جو مجھے کبھی نہیں بھولے گا ۔ وہ بہت اچھے انسان تھے ان کی موت سے بہت افسردہ ہوں ۔ میں ان سے صحت کے

حوالے سے پوچھتی رہتی تھی تاہم علاج کے دوران میرا ان سے کوئی رابطہ نہیں ہو سکا ۔ اداکارہ صبا قمر نے عرفان خان کے ساتھ 2017 میں ریلیز ہونے والی فلم ’ہندی میڈیم‘ میں اداکاری کے جوہر دکھائے تھے اور مداحوں کو دونوں کی جوڑی خوب بھائی تھی۔فلم نے باکس آفس پر بھی کمال کیا تھا اور 100 کروڑ سے زائد کی کمائی کی تھی جبکہ فلم میں صبا قمر کی ادکاری کو بھی بے حد سراہا گیا تھا۔