کراچی (این این آئی)پاکستان کے معروف گلوکار و اداکار علی ظفر نے لاہور قلندرز کی جیت کو اپنے بنائے گانے سے ملا دیا، انہوں نے کہا ہے کہ ’’ہم نے گانا کیا بنایا رانا صاحب جیت گئے‘‘۔سماجی رابطے کی ویب سائٹ پر میچ ختم ہونے کے بعد علی ظفر نے
ٹوئٹ میں لاہور قلندرز کو میچ جیتنے پر مبارکباد بھی دی۔گزشتہ روز لاہور قلندرز نے پی ایس ایل 5 میں مسلسل تین ناکامیوں کے بعد اپنی پہلی فتح کوئٹہ گلیڈی ایٹرز کیخلاف 37 رنز سے حاصل کی۔واضح رہے یکم مارچ کو علی ظفر نے پی ایس ایل کی مناسبت سے گانا’’ میلہ لوٹ لیا‘‘ ریلیز کیا تھا۔
