لاہور( این این آئی)رابی پیرزادہ نے اپنی والد ہ کے ہمراہ عمرے کی سعادت حاصل کر لی ۔ رابی پیرزادہ نے عمرہ کی ادائیگی پر خوشی کا اظہار کرتے ہوئے کہا کہ میں خوش قسمت ہوں کہ خدا کی ذات نے مجھے اپنے گھر بلایا ۔ بہت سے لوگ ایسے ہیں جو وسائل ہونے کے باوجود یہاں حاضری نہیں دے سکتے
اور یقینا وہ لوگ خوش نصیب ہوتے ہیں جنہیں خدا اپنے گھر آنے کیلئے منتخب کرتا ہے ۔رابی پیرزادہ نے کہا کہ اب میں اپنی والدہ کے ہمراہ مدینہ میں روضہ رسول ؐپر حاضری کیلئے جائوں گی ۔ انہوں نے کہا کہ عمرہ کی سعادت حاصل کرنے کی ایک کیفیت ہے اور اسے الفاظ میں بیان نہیں کیا جا سکتا ۔
