لاہور(این این ائی) فلم انڈسٹری کی معروف جوڑی ندیم اور شبنم کی فلم ’’آئنہ ٹو ‘‘التواء کا شکار ہو گئی ۔دو سال قبل کراچی میں فلم ’’آئینہ ٹو‘‘کی افتتاحی تقریب کا انعقادکیا گیا تھا جس میں ندیم ،شبنم ،مصطفی قریشی ،ا ہدایتکار سید نور سمیت دیگر نے شرکت کی تھی لیکن تاحال فلم پر عملی طو رپر کام کا آغا زنہیں ہو سکا ۔ ذرائع کے مطابق

اداکارہ شبنم بنگلہ دیش میں قیام پذیر ہیں اور اپنی مصروفیات کی وجہ سے وہ فلم کی شوٹنگ کے لئے شیڈول طے نہیں کر سکیں جس کے باعث فلم التواء کا شکار ہوئی ہے ۔ ندیم اور شبنم پاکستان فلم انڈسٹری کی مقبول ترین جوڑی تھی اور دونوںنے بطور ہیرو اور ہیروئن درجنوں فلموں میں اداکاری کر کے خوب شہرت حاصل کی۔

موضوعات:فلم آئنہ ٹو