لاہور(این این آئی)سرائیکی موسیقی سے گائیکی کا آغاز کرنیوالے پاکستان کے معروف گلوکار عطاء اللہ عیسیٰ خیلوی نے گائیکی کے 50 سال مکمل کر لئے جبکہ انہیں ستارہ امتیاز سے بھی نوازا گیا ہے جس کی خوشی میں کنسرٹ سجایا گیا،کنسرٹ میں عطاء اللہ عیسیٰ خیلوں نے اپنی گائیکی کا جادو جگایا، جس سے شائقین نے خوب لطف اْٹھایا۔تفصیلات کے مطابق پاکستان کے

عوامی فنکار، سدا بہار آواز، عطاء اللہ عیسیٰ خیلوی کے اعزاز میں ستارہ امتیاز حاصل کرنے پر الحمراء آرٹس کونسل لاہور میں شاندار کنسرٹ کا اہتمام کیا گیا۔عطاء اللہ عیسیٰ خیلوی نے ایک اور اعزاز بھی حاصل کر لیا ہے، انہوں نے گائیکی کے 50 سال بھی مکمل کر لئے ہیں۔عطاء اللہ عیسیٰ خیلوی کی کنسرٹ میں شاندار پرفارمنس پر حاضرین نے بھی اپنے اپنے انداز میں داد دی۔