عاطف اسلم کو بھارت کی سڑکوں پر ’’تاجدار حرم‘‘ پڑھنے والے شخص کی آواز نے اپنا گرویدہ بنا لیا، ساتھ ہی بڑی خواہش ظاہر کردی

  جمعرات‬‮ 20 جون‬‮ 2019  |  11:20

لاہور(این این آئی) بین الاقوامی شہرت یافتہ گلوکار عاطف اسلم کو بھارت کی سڑکوں پر ’’تاجدار حرم‘‘ پڑھنے والے شخص کی آواز نے اپنا گرویدہ بنا لیا۔عالمی شہرت یافتہ گلوکار عاطف اسلم کو بھارت کی سڑکوں پر گھومتے شخص کی آواز بھی متاثر کرنے میں کامیاب ہو گئی۔عاطف اسلم نے سماجی رابطے کی ویب سائٹ انسٹا گرام پر ایک ویڈیو شیئر کی جس میں ایک شخص بھارتی شہر حیدرآباد دکن کی سڑکوں پر ’تاج دارِ حرم‘ کا کلام نہایت ہی خوبصورت انداز کے ساتھ پڑھتا نظر آرہا ہے۔ کلام کو مزید خوبصورت بنانے کیلئے یہ شخص اپنی دھن میں مگن ڈفلی


بھی بجا رہا ہے۔عاطف اسلم بھی اس شخص کی روح کو متاثر کرنے والی آواز پر خاموش نہ رہ سکے، انہوں نے ویڈیو کے ساتھ تعریف کرتے ہوئے سبحان اللہ کہا اور کہا کہ کیا روح داری تاج دارِ حرم ہے۔ عاطف نے گزارش کی کہ اگر کوئی اس شخص کو حیدر آباد دکن میں دیکھے تو اسے میرا سلام کہے۔

موضوعات:

loading...