لاہور(این این آئی) اداکارہ نیلم منیر نے کہا ہے کہ میں یقین سے کہہ سکتی ہوں کہ عید الفطر پر ریلیز ہونے والی فلم ’’رانگ نمبر ٹو ‘‘سینما انڈسٹری کیلئے تقویت کا باعث بنے گی ،فلم بینوں سے درخواست ہے کہ وہ عید الفطر پر اپنی فیملیوں کے ہمراہ ضرور سینما گھر آئیں اور میں دعوے سے کہتی ہوں ایک بار فلم دیکھنے کے بعد وہ بار بار آئیں گے۔ ’’ این این آئی ‘‘ سے خصوصی گفتگو کرتے ہوئے نیلم منیر نے کہا کہ گزشتہ سال ریلیز ہونے والی فلم
’’رانگ نمبر ایک ‘‘نے بھی ریکارڈ ساز کامیابی حاصل کی تھی اور امسال عید الفطر پر ریلیز ہونے والی ’’ رانگ نمبر ٹو ‘‘ اسے کامیابی میں پیچھے چھوڑ دے گی ۔ انہوں نے کہا کہ مجھے قوی یقین ہے کہ مذکورہ فلم رواں سال کی صف اول کی فلم ثابت ہو گی اور اس سے انڈسٹری کو بھی تقویت ملے گی۔ انہوں نے کہا کہ فلم کا موضوع انتہائی دلچسپ اور منفرد ہے اور تمام فنکاروں نے ٹیم ورک کے طو رپر محنت کی ہے جس کا نتیجہ یقینا کامیابی کی صورت میں سامنے آئے گا۔
