اسلام آباد (این این آئی )خوبرو پاکستانی اداکارہ ہانیہ عامر نے کہا ہے کہ ذہنی امراض کا دوائیوں کی بجائے توجہ سے علاج کیا جا سکتا ہے۔میڈیا رپورٹ کے مطابق اداکارہ ہانیہ عامر نے ڈپریشن سے متعلق انسٹاگرام کی ایک پوسٹ میں کہا کہ آجکل ذہنی امراض کا موضوع بہت سنجیدہ اور نازک نوعیت کا ہوتا جارہا ہے اور یہ وہ اصل مسئلہ ہے جسے دوائیوں کی بجائے توجہ سے حل کیا جا
سکتا ہے۔ انہوں نے کہا کہ ہمیں ڈپریشن کے مریضوں کا ساتھ دینا چاہیے ان کو بیمار محسوس کروانے کی بجائے ان کے ساتھ دوستانہ رویہ اپناتے ہوئے ان کو ایسا ماحول فراہم کرنا چاہیے جہاں وہ خود کو ہم لوگوں کی طرح نارمل سمجھیں۔ انہوں نے کہا کہ ہمیں اس کے بارے میں عام لوگوں میں آگاہی مہم چلانے کا آ غاز کرنا چاہیے کیونکہ 4میں سے ایک فرد ڈپریشن کی بیماری کا شکار ہے۔
