لاہور( این این آئی)نامور گلوکارہ شاہدہ منی نے کہا ہے کہ موسیقی کی دنیا میں پورے بر صغیر میں ہمارے موسیقاروں کا نام ہے ، بد قسمتی سے ڈھنگ ٹپائو پالیسی کی وجہ سے ہم اپنے سینئرز کا متبادل تیار نہیں کر سکے ۔ ایک انٹرویو میں شاہدہ منی نے کہا کہ بابا جی اے چشتی ، خواجہ خورشید انور ، ماسٹر غلام حیدر ، رشید عطرے ،

وزیر بخشی ، ایم اشرف اور طافو جیسے موسیقارپوری دنیا میں پاکستان کی پہچان ہیں اور انہوں نے اپنی صلاحیتوں کا لوہا منوایا ہے ۔کئی دہائیاں گزرنے کے باوجود آج بھی ان کے نغمے اسی طرح مقبول ہیں ۔ا نہوں نے کہا کہ بد قسمتی سے آج ان سینئر ز کامتبادل موجود نہیں کیونکہ ہم نے اس پر توجہ ہی نہیں ۔ ہم ڈھنگ ٹپائو پالیسی سے کام چلاتے ہیں اور متبادل تیار نہیں کرتے۔

موضوعات:شاہدہ منی