اسلام آباد (این این آئی) رواں سال بھی ماہ رمضان میں مختلف ٹی وی چینلز پر رمضان ٹرانسمیشنز جاری ہیں ۔معروف اینکر پرسن رابعہ انعم نے نجی ٹی وی سے اپنی رمضان ٹرانسمیشن کے حوالے سے بات کرتے ہوئے کہا ہے کہ میں اس پورے مہینے سحری اور افطاری کے دوران اس ٹرانسمیشن کی میزبانی کروں گی، ہم نے اپنی ٹرانسمیشن کا آغاز چاند رات سے کیا تھا۔ انہوں نے کہا کہ ٹرانسمیشن کے حوالے سے

میرا گزشتہ سال کا تجربہ نہایت شاندار تھا، اس نے میری زندگی بدل دی۔ انہوں نے کہا کہ میں خود کو خوش قسمت سمجھتی ہوں کہ مجھے ایسا موقع ملا اور وہ بھی اکیلے، میرے ساتھ کوئی شریک میزبان نہیں، البتہ کئی نامور شخصیات ضرور شرکت کریں گی۔ انہوں نے کہا کہ مجھے امید ہے کہ میں اس سال مہذب اور مثبت ٹرانسمیشن پیش کرسکوں گی ۔ انہوں نے کہا کہ میرا کسی سے مقابلہ کرنے کا کوئی ارادہ نہیں ہے۔