لاہور (این این آئی)پاکستانی ماڈل و اداکار آمنہ الیاس کی نئی فلم ‘ریڈی اسٹیڈی نو‘ کا ٹریلر جاری کردیا گیا۔میڈیارپورٹ کے مطابق ٹریلر میں دیکھا گیا کہ آمنہ الیاس اور فیصل سیف بھاگ کے شادی کر رہے ہیں جبکہ ایک جگہ اداکارہ ایک شادی میں رقص بھی کر رہی ہیں جس میں انہوں نے خوبصورت نیلے رنگ کا لہنگا زیب تن کیا ہوا ہے۔فلم ’ریڈی اسٹیڈی نو ‘ کے ٹریلر میں کرداروں کو مزاحیہ سین کرتے بھی دکھایا گیاجس سے بخوبی اندازہ
لگایا جاسکتا ہے کہ ریڈی اسٹیڈی نوایک ریمکوم فلم ہے جس میں کامیڈی اور رومانوی تڑکا ہے۔حیشام بن منور کی ہدایت کاری میں بننے والی فلم ’ریڈی اسٹیڈی نو‘ کی کاسٹ میں آمنہ الیاس سمیت سلمان شاہد، فیصل سیف، زین افضل، نرگس رشید اور اسماعیل تارا شامل ہیں۔یاد رہے آمنہ الیاس اس وقت اپنی دوسری فلم باجی کی تشہیر سمیت ‘ریڈی اسٹیڈی نو‘ کی عکس بندی میں بھی مصروف ہیں۔فلم ‘ریڈی اسٹیڈی نو‘ رواں برس 18 نومبر کو سینما گھروں کی زینت بنے گی۔
