لاہور(این این آئی) نامور اداکار ببرک شاہ نے کوئٹہ گلیڈی ایٹرز اورپشاور زلمی کے پی ایس ایل کا فائنل کھیلنے کی پیشگوئی کر دی ۔ اس حوالے سے ببرک شاہ نے کہا کہ مجھے کرکٹ کا بڑا شوق ہے اور میں نے پی ایس ایل کے تمام میچز بڑے غور سے دیکھے ہیں ، مجھے تکنیکی طورپر کوئٹہ گلیڈی ایٹرز اور پشاور زلمی میں
بڑا پوٹینشل نظر آیا ہے جس کی وجہ سے مجھے یقین ہے کہ فائنل میں انہی دونوں ٹیموں کا ٹکراؤ ہو گا ۔ انہوں نے کہا کہ میری پیشنگوئی ہے جو ممکنہ طور پر غلط بھی ثابت ہو سکتی ہے مگر زیادہ تر امکان یہی ہے کہ فائنل دونوں ٹیموں کے درمیان ہی ہو گا اور میں نے دونوں ٹیموں کو سپورٹ کرنے کیلئے کراچی جاؤں گا ۔
