لاہور(این این آئی) ٹی وی ڈرامہ ڈائریکٹر حسیب حسن کی ڈائریکشن میں بننے والی ڈارمہ سیریل ’’الف ‘‘کی ریکارڈنگ شدید سردی کے باعث نتھیا گلی میں زور وشور سے جاری ہے ۔ تفصیلات کے مطابق ڈرامہ ڈائریکٹر حسیب حسن کی ڈرامہ سیریل ’’الف ‘‘کی ریکاڈنگ ان دنوں شدید سردی کے باعث نتھیا گلی میں جاری ہے جس میں اداکارحسن خان اور کبریٰ خان مرکزی کردار ادا کررہے ہیں جبکہ ڈرامہ کی
دیگر کاسٹ میں سجل علی اورحمزہ علی عباسی ،مظہرصبھائی سمیت دیگر اداکار شامل ہیں ۔ ۔ڈرامے کے سیٹ پراداکاراحسن خان اورکبری خان نے خصوصی گفتگو کرتے ہوئے بتایا کہ نتھیا گلی میں شدید سردی کے موسم میں ڈرامہ کی ریکارڈنگ کرنے کا اپنا ہی مزا ہے ، انہوں نے کہاکہ فنکار کے لئے فن ہی سب کچھ ہوتا ہے گرمی سردی ان کے راستے میں رکاوٹ نہیں بنتی ۔ ڈرامہ کی رائٹر عمیرہ احمد ہیں ۔
