کراچی (این این آئی)اداکارہ میرا جی عموماً اپنی گلابی انگریزی، بیانات اور اسکینڈلز کی وجہ سے خبروں میں اِن رہتی ہیں،میراجلد ہدایت کار ثاقب ملک کی فلم ’باجی‘ میں کام کرتی نظر آئیں گی، جس میں ان کے ہمراہ اداکار عثمان خالد بٹ کام کریں گے۔اگر عثمان کے سوشل میڈیا اکاؤنٹس پر نظر ڈالی جائے تو آج کل وہ میرا جی کی تعریفوں میں کافی مصروف نظر آرہے ہیں، جس سے یہ اندازہ ہورہا ہے کہ شاید وہ فلم ’باجی‘ میں میرا کے ہمراہ مرکزی کردار ادا کررہے ہوں گے۔اپنے کیریئر کے آغاز میں کبھی

عثمان خالد بٹ نے اپنی مزاحیہ ویڈیوز میں میرا کا مذاق بنا کر بھی خوب نام کمایا تھا۔واضح رہے کہ میرا اور عثمان پہلی مرتبہ ایک ساتھ کسی فلم میں کام کرنے جارہے ہیں اور ان کے سوشل میڈیا اکاؤنٹس دیکھ کر ایسا محسوس ہورہا ہے جیسے ان دونوں کو ایک ساتھ کام کرکے یقیناً بہت مزاح آرہا ہے۔جہاں میرا نے بھی اپنے ٹوئٹر اکاؤنٹ پر ایک ویڈیو شیئر کرنے کے ساتھ عثمان خالد بٹ کی خوب تعریف کی۔وہیں بعدازاں اداکار نے بھی میرا کی تعریف کرتے اور شکریہ ادا کرتے ہوئے انہیں ’کوئین‘ (رانی) قرار دے دیا۔

موضوعات:اداکارہ میرا،عثمان خالد بٹ،رانی