اسلام آباد(مانیٹرنگ ڈیسک)”کون بنے گا کروڑ پتی شو میں شہنشاہ امیتابھ بچن نے پروگرام میں پاکستان کے نئے وزیراعظم عمران خان سے متعلق سوال کیاجس میں عمران خان کے قریبی دوست نوجوت سنگھ سدھو کا ایک آڈیو کلب چلایا گیا ، آڈیو کلپ میںسابق بھارتی کرکٹر اور مشہور سیاستدان نوجوت سنگھ سدھو کہتے ہیں کہ میں نے اس شخص کو مشکلات حالات سے لڑتے ہوئے دیکھا،سنورتے ہوئے دیکھا کرکٹ کھیلی تو زبردست کھیلی اور جب سیاست میں آئے تو

ایک سیٹ سے شروع کیا اور کامیابی حاصل کی اور آج وہ پاکستان کے وزیراعظم ہیں۔پروگرام میں حصہ لینے والے بھارتی نوجوان سے امیتابھ بچن نے پوچھا کہ کیا آپ کو پتہ ہے یہ آواز کس کی تھی جس پر نوجوان کا کہنا تھا کہ ’’نہیں ‘‘ جبکہ جواب کے حوالے سے دیئے گئے چاروں آپشنز میں اس نے وزیراعظم عمران خان کا نام بتایا کیونکہ باقی تینوں نے کرکٹ کھیلی ہے لیکن ان میں سے کوئی وزیراعظم نہیں بنا جبکہ وزیراعظم عمران خان حال ہی میں پاکستان کے وزیراعظم بنے ہیں ۔

موضوعات:کون بنے گا کروڑ پتی