ممبئی ( شوبز ڈیسک ) بالی وڈ اداکار عامر خان نے کہا ہے کہ وہ فلم ’’3ایڈیٹس‘‘ کے کردار ’’رانچھو‘‘ کا مکالمہ ’’آل از ویل‘‘ یعنی سب ٹھیک ہے کو یاد کر کے خود میں تحمل پیدا کرتے ہوئے بے چینی ختم کرنے کی کوشش کرتے ہیں۔بھارتی ذرائع ابلاغ کے مطابق اداکار عامر خان نے ایک تقریب میں گفتگو کے دوران تحمل

مزاجی اور بے چینی ختم کرنے کا فارمولا بتاتے ہوئے کہا کہ ان کی فلم ’’ٹھگز آف ہندوستان‘‘ کی ریلیز میں 2ماہ رہ گئے ہیں اور اس کے لئے وہ نروس بھی ہیں لیکن انہوں نے فلم ’’3 ایڈیٹس‘‘ کے دوران جو ایک چیز سیکھی وہ انہیں آج بھی چھوٹی چھوٹی باتوں میں بہت مدد دیتی ہے کہ ’’اپنا دائیاں ہاتھ دل پر رکھو اور کہو’’ آل از ویل‘‘یعنی سب ٹھیک ہے۔فلم رواں سال 7نومبر کو ریلیز کی جائے گی۔