کراچی(شوبزڈیسک)پاکستانی اداکار فہد مصطفی نے خود کو پاکستانی ’سلمان خان‘ قرار دے دیا۔تفصیلات کے مطابق فہد مصطفی کی بیک وقت 2 فلمیں بڑی عید پر نمائش کیلئے پیش کی گئی ہیں جس میں ’لوڈ ویڈنگ‘ اور ’جوانی پھر نہیں آنی 2‘ شامل ہیں۔اس حوالے سے فہد مصطفی نے بی بی سیکو انٹرویو دیا ہے جس میں انہوں نے کئی سوالوں کے جواب دیئے ہیں۔فہد مصطفی کا کہنا تھا کہ فلموں کی باکس آفس پر کامیابی کے حوالے سے مجھ پر کوئی دباؤ نہیں ہے کیوں کہ میں پروڈیوسر نہیں ہوں۔انہوں نے کہا کہ بیک وقت دو فلموں کی شوٹنگ میں حصہ لینا اور ان کے کردار میرے لیے چیلنجنگ تھے۔

یاد رہے کہ فہد مصطفی نے فلم ’لوڈ ویڈنگ‘ میں ایک پنجابی شخص کا کردار کیا ہے جبکہ فلم ’جوانی پھر نہیں ا?نی 2‘ میں بینکر کا کردار نبھایا ہے۔ایک سوال کے جواب میں انہوں نے کہاکہ پچھلے کچھ سالوں سے پروڈیوسرز عید کے موقع پر فلموں کو ریلیز کرتے ہیں جس کی وجہ عوام کی بڑی تعداد سنیما گھروں کا رخ کرتی ہے۔فہد مصطفی کا ازراہ مزاح کہنا تھا کہ میں بھی عید پر ہی فلموں میں آتا ہوں جس پر مجھے لگتا ہے کہ پاکستانی سلمان خان ہوں۔واضح رہے کہ گزشتہ کئی سالوں سے بالی وڈ میں سلمان خان عید کے موقع پر فلمیں ریلیز کرتے ہیں اور ان کا عید فارمولہ کامیابی سے ہمکنار ہوا ہے۔