لاہور( این این آئی) معروف اداکارہ مہوش حیات نے کہا ہے کہ مشکل وقت میں سینما مالکان اپنی فلموں کو بھرپور سپورٹ کریں اور ہمیں معیار کو بہتر بنا کر مقابلے کی دوڑ میں شامل ہونا چاہیے ۔انہوں نے ایک انٹرویو کے دوران کہا کہ پاکستانی سرمایہ کاروں کی جانب سے فلموں پر بڑی سرمایہ کاری
کی جاتی ہے ۔پاکستانی شائقین کو چاہیے کہ وہ اپنی فلموں کو پذیرائی دیں تاکہ ہماری انڈسٹری کو مضبوط بنیادیں میسر آ سکیں ۔ ایک سوال کے جواب میں انہوں نے کہا کہ ہمیں تسلسل کے ساتھ معیاری فلمیں بنا کر مقابلے کی دوڑ میں شامل ہو کر بھارت کی فلم انڈسٹری کو پیچھے چھوڑنے کی جدوجہد کرنی چاہیے۔
