اتوار‬‮ ، 18 مئی‬‮‬‮ 2025 

44 سالہ ایشوریا رائے اور ‘جواں ہے محبت’

datetime 13  جولائی  2018
ہمارا واٹس ایپ چینل جوائن کریں

ممبئی (شوبز ڈیسک)بالی ووڈ کی آنے والی فلم رومانٹک کامیڈی فلم’ ‘فنے خان‘’ کے ٹریلر کے بعد اب اس کا گانا ‘جواں ہے محبت’ جاری کردیا گیا۔اس گانے کی خاص بات یہ ہے کہ اس میں 44 سالہ ایشوریا رائے آئٹم گرل کی طرح ڈانس کرتی دکھائی دیتی ہیں۔جبکہ اس سے زیادہ خاص بات یہ ہے کہ 1946 میں ریلیز ہونے والی بھارتی فلم ‘انمول گھڑی’ کے اس گانے کو خصوصی طور پر ریمیک کرکے فلم میں شامل کیا گیا ہے۔

‘جواں ہے محبت’ میں ادھیڑ عمر ایشوریا رائے کسی نوجوان لڑکی کی طرح ہولی وڈ انداز میں رقص کرتی دکھائی دی رہی ہیں، جب کہ اس کے ساتھ ساتھی اداکاراؤں کو بھی ڈانس کرتے دیکھا جاسکتا ہے۔‘جواں ہے محبت’ کے نئے بول ارشاد کامل نے لکھے ہیں، جب کہ اس میں سنیدھی چوہان نے اپنی آواز کا جادو جگایا ہے۔اس گانے کے رقص کی خاص بات یہ ہے کہ اس میں رقص کرنے کے لیے ایشوریا رائے نے ڈانس کے کرتب عالمی کوریوگرافر فرانک گیسٹر جونیئر سے سیکھے ہیں، جنہوں نے معروف امریکی گلوکارہ بیونسے، ریحانہ اور جونیفیر لوپیز جیسی گلوکاراؤں کو بھی ڈانس سکھائی۔اطلاعات ہیں کہ ‘فنے خان’ میں ایشوریا رائے کے ڈانس سے بھرپور اس گانے کے علاوہ بھی مزید 2 آئٹم سانگ شامل ہوں گے، جن میں اداکارہ پہلی بار ایک پاپ اسٹار بن کر ڈانس کرتی دکھائی دیں گی۔فلم میں انہوں نے ایک پاپ گلوکارہ کا کردار ادا کیا ہے، جنہیں فلم میں ایک ناکام گلوکار والد کا کردار ادا کرنے والے انیل کپور اپنے دوست راج کمار راؤ کے ساتھ مل کر اس لیے اغوا کرتے ہیں کہ وہ انیل کپور کی بیٹی کو گلوکاری سکھا سکیں۔فلم کی کہانی گلوکاروں کے علاوہ ایک والد کی جانب سے اپنی بیٹی کو معروف گلوکارہ بننے کے گرد گھومتی ہے۔یہ پہلا موقع ہے کہ ایشوریا رائے اور انیل کپور 18 سال بعد ایک ساتھ کام کرتے نظر آئیں گے، تاہم راج کمار راؤ کے ساتھ ان کی پہلی فلم ہوگی۔فلم کا پہلا ٹیزر ٹریلر گزشتہ ماہ 26 جون کو جاری کیا گیا تھا، جب کہ اس کا مکمل ٹریلر رواں ماہ 6 جولائی کو جاری کیا گیا تھا۔پروڈیوسر راکیش اوم پرکاش مہرا اور انیل کپور کی اس فلم کی ہدایات اتل منجریکر نے دی ہیں۔یہ فلم بیلجیم کی 18 سال قبل یعنی 2000 میں ریلیز ہونے والی رومانٹک کامیڈی فلم ’ایوری باڈیز فیمس‘ کا آفیشل ریمیک ہے۔’’فنے خان‘‘ کو رواں برس 3 اگست کو ریلیز کیا جائے گا۔

موضوعات:

آج کی سب سے زیادہ پڑھی جانے والی خبریں


کالم



10مئی2025ء


فرانس کا رافیل طیارہ ساڑھے چار جنریشن فائیٹر…

7مئی 2025ء

پہلگام واقعے کے بارے میں دو مفروضے ہیں‘ ایک پاکستان…

27ستمبر 2025ء

پاکستان نے 10 مئی 2025ء کو عسکری تاریخ میں نیا ریکارڈ…

وہ بارہ روپے

ہم وہاں تین لوگ تھے‘ ہم میں سے ایک سینئر بیورو…

محترم چور صاحب عیش کرو

آج سے دو ماہ قبل تین مارچ کوہمارے سکول میں چوری…

شاید شرم آ جائے

ڈاکٹرکارو شیما (Kaoru Shima) کا تعلق ہیرو شیما سے تھا‘…

22 اپریل 2025ء

پہلگام مقبوضہ کشمیر کے ضلع اننت ناگ کا چھوٹا…

27فروری 2019ء

یہ 14 فروری 2019ء کی بات ہے‘ مقبوضہ کشمیر کے ضلع…

قوم کو وژن چاہیے

بادشاہ کے پاس صرف تین اثاثے بچے تھے‘ چار حصوں…

پانی‘ پانی اور پانی

انگریز نے 1849ء میں پنجاب فتح کیا‘پنجاب اس وقت…

Rich Dad — Poor Dad

وہ پانچ بہن بھائی تھے‘ تین بھائی اور دو بہنیں‘…