نئی دہلی (شوبز ڈیسک) سری دیوی کی بیٹی جھانوی کپور کی پہلی فلم جب سے سینماء گھروں کی زینت بنی ہے، ان کی شہرت میں اضافہ ہو گیا ہے اور اب سری دیوی کی بیٹی کے علاوہ ایک اداکارہ کے طور پر بھی ان کی پہچان بن گئی ہے۔جھانوی کپور نے اس فلم کیلئے بھرپور محنت کی کیونکہ وہ بالی ووڈ انڈسٹری میں ایک کامیاب آغاز چاہتی تھیں اور اس حوالے سے گھر والوں نے بھی ان کا خوب ساتھ دیا ۔
حتیٰ کہ ان کے سوتیلے بھائی ارجن کپور اور انشولا بھی ہر ممکن مدد کیلئے ہمہ وقت تیار رہیں۔جھانوی کپور خوبصورت بھی ہیں اور ٹیلنٹڈ بھی لیکن اپنی خوبصورتی کے باوجود بھی وہ سوشل میڈیا صارفین کے ’طنز‘ سے بچ نہ پائیں اور اپنی تصویر شیئر کی تو صارفین نے ایسی چیز دیکھ لی کہ ہنگامہ برپا ہو گیا اور فوراً یہ کہہ دیا کہ انہوں نے اپنے ہونٹوں اور ناک کی سرجری کروا لی ہے۔
