ممبئی (آئی این پی)بولی وڈ اداکار رنبیر کپور اور اداکارہ دپیکا پڈوکون نے اختلافات بھلا کر ممبئی میں منعقدہ مجوان فیشن شو میں انٹری دی اور ریمپ پر ایک ساتھ کیٹ واک کرکے مداحوں کو حیران کر دیا۔رنبیر اور دپیکا نے بھارتی ڈیزائنر منیش ملہوترا کے ملبوسات کی نمائش کی۔
واضح رہے کہ کچھ عرصہ قبل رنبیر اور دپیکا کے تعلق کی خبریں گرم تھیں اور دونوں کا نام ایک دوسرے کے ساتھ جوڑا جاتا رہا، تاہم بعد میں دونوں کا بریک اپ ہوگیا تھا۔شائیقین نے اس کو نیا رنگ دیکر کہا ہے کہ اس سے بیچا رے رنویر سنگھ پر بجلیاں گر گئی ہو نگی۔