اسلام آباد (مانیٹرنگ ڈیسک)میں ابھی اس موضوع پر بات نہیں کرنا چاہتا، میشا شفیع کےالزامات پر علی ظفر کا جواب ۔تفصیلات کے مطابق معروف گلوکار اور اداکار علی ظفر آج کل اپنی پہلی پاکستانی فلم ’’طیفا ان ٹربل‘‘ کی شوٹنگ میں مصروف ہیں اور ان پر ان حالات میں میشا شفیع کی جانب سے جنسی ہراساں کرنے کا الزام عائد کیا گیا ہے ۔نجی ٹی وی کی جانب سے علی ظفر سے موقف جاننے کیلئے رابطہ کیا گیا تو انہوں نے صرف اتنا کہہ کربات کو ختم کر دیا

کہ ”میں ابھی اس موضوع پر بات نہیں کرنا چاہتا ۔واضح رہے کہ اس سے پہلےمیشا شفیع نے سماجی رابطہ سائٹ ٹوئٹر پر اپنے بیان میں کہاتھا کہ ساتھی گلوکار علی ظفر نے انہیں ایک سے زائد مرتبہ جنسی ہراساں کیا اور اس قسم کے واقعات اس وقت پیش نہیں آئے جب وہ انٹرٹینمنٹ انڈسٹری میں داخل ہوئی تھیں۔میشا شفیع نے کہا کہ بااختیار اور اپنے خیالات رکھنے کے باوجود ان کے ساتھ اس طرح کا واقعہ پیش آیا۔اداکارہ نے مزید کہا کہ کوئی خاتون جنسی ہراسانی سے محفوظ نہیں ہے۔