اسلام آباد(نیوز ڈیسک) پاکستانی روپے کی قدر میں کاروباری ہفتے کے آغاز پر معمولی بہتری دیکھنے میں آئی، جہاں انٹربینک کے ساتھ اوپن کرنسی مارکیٹ میں بھی ڈالر کی قیمت نیچے آگئی۔

اسٹیٹ بینک آف پاکستان کے مطابق انٹربینک مارکیٹ میں امریکی کرنسی کی قدر میں ایک پیسے کی کمی ریکارڈ کی گئی، جس کے بعد ڈالر کا لین دین 277.06 روپے پر ہوا۔ گزشتہ کاروباری روز یہ 277.07 روپے پر بند ہوا تھا۔

اوپن مارکیٹ میں بھی ڈالر کی قیمت 25 پیسے گھٹ گئی اور نئی قیمت 278.93 روپے مقرر ہوئی۔کرنسی مارکیٹ میں یورو کی قدر بھی 1.56 روپے کم ہوکر 313.87 روپے ہوگئی، جبکہ برطانوی پاؤنڈ 31 پیسے کی کمی کے بعد 370.27 روپے پر آگیا۔اسی طرح یو اے ای درہم کی قیمت میں 3 پیسے کمی ہوئی، جس کے بعد یہ 76.23 روپے کا ہوگیا۔ دوسری جانب سعودی ریال کی قیمت میں کوئی تبدیلی نہیں ہوئی اور یہ 74.46 روپے پر برقرار رہا۔