پشاور(این این آئی)طالبات اور ملازمت پیشہ خواتین کو مفت الیکٹرک اسکوٹیز دینے کی منظوری دے دی گئی۔
وزیراعلیٰ خیبرپختونخوا سہیل آفریدی کی زیرصدارت اجلاس ہوا جس میں وزیراعلیٰ نے حکام کو اسکوٹیز کی فراہمی کیلئے فوری اقدامات کی ہدایت کی۔بریفنگ میں بتایا گیا کہ پہلے مرحلے میں پشاورکی طالبات اور ملازمت پیشہ خواتین کو اسکوٹیز دی جائیں گی اور اگلے مرحلے میں اسکوٹیز منصوبے کو دیگر اضلاع تک توسیع دی جائیگی۔
سہیل آفریدی نے کہا کہ الیکٹرک اسکوٹیز سے خواتین کو تعلیم اور روزگار تک محفوظ رسائی ملے گی جبکہ الیکٹرک اسکوٹیز سے فضائی آلودگی میں بھی کمی آئیگی۔
