اسلام آباد (این این آئی)پی آئی اے ریٹائرڈ ملازمین کی مشکلات کم نہ ہو سکیں جس میں ملازمین کو پنشن لینے کیلئے اب الگ سے نیا اکاؤنٹ کھلوانا ہوگا۔تفصیلات کے مطابق نیا پینشن اکاؤنٹس کھلے گا تو پنشن ملے گی، اس فیصلے سے پی آئی اے ہولڈنگ کمپنی نے 16 ہزار سے زائد ریٹائرڈ ملازمین کو آگاہ کر دیا ہے۔

اس سے قبل پنشن ریٹائرڈ ملازمین کے کسی بھی اکاؤنٹ میں آرہی تھی تاہم اب ملازمین کی کم سے کم پنشن تین ہزار اور زیادہ سے زیادہ بارہ سے پندرہ ہزار روپے ہے۔ صدر پیپلز یونٹی پی آئی اے ہدایت اللہ نے کہا کہ پہلے پی آئی اے کوڑیوں کے دام فروخت کر دی اب ریٹائرڈ ملازمین کے پیچھے پڑ گئے ہیں۔ہدایت اللہ نے کہا کہ کوئی بھی کام آئین اور قانون کے تحت نہیں کیا جارہا،عدالت کے احکامات کی بھی پرواہ نہیں کی جارہی،نئے اکاؤنٹس کھولنے سے ملازمین کی پریشانی بڑھ گئی ہے۔