کویت سٹی(این این آئی)کویتی خام تیل کی قیمت میں نمایاں کمی ہوئی ہے اور ، عالمی مارکیٹ میں برینٹ اور ویسٹ ٹیکساس کے نرخ بھی کم ہوئے ہیں۔متحدہ عرب امارات کی نیوز ایجنسی نے کویت پٹرولیم کارپوریشن کے حوالہ سے بتایا کہ کویتی خام تیل کی فی بیرل قیمت 69.98 امریکی ڈالر ریکارڈ کی گئی، جو پیر کو ریکارڈ 76.32 ڈالر فی بیرل کی قیمت کے مقابلے میں نمایاں کمی کو ظاہر کرتی ہے۔

اس طرح برینٹ خام تیل کی قیمت میں 4.34 ڈالر کی کمی آئی اور یہ 67.14 ڈالر فی بیرل تک پہنچ گئی، جبکہ ویسٹ ٹیکساس انٹرمیڈیٹ کی قیمت میں 4.14 ڈالر کی کمی واقع ہوئی اور یہ 64.37 ڈالر فی بیرل پر آ گئی ہے۔