کراچی(این این آئی)سال 2025 میں اسمارٹ فونز کی دنیا میں ٹیکنالوجی کمپنی سام سنگ کی سبقت برقرار ہے۔ ابتدائی دو ماہ میں سام سنگ گلیکسی ایس 25 الٹرا کی ٹاپ پوزیشن کے بعد اب اس پوزیشن پر سام سنگ کا گلیکسی اے 56 موجود ہے۔
گزشتہ ہفتے ٹرینڈنگ میں رہنے والے اسمارٹ فونز کی جاری کی گئی فہرست کے مطابق پہلے نمبر پر سام سنگ گلیکسی اے 56 جبکہ دوسرے نمبر پر شیامی پوکو ایف 7 الٹرا موجود ہے۔شیامی 15 الٹرا تیسرے، شامی ریڈمی نوٹ 14 ایس چوتھے، سام سنگ گلیکسی ایس 25 الٹرا پانچویں اور سام سنگ گلیکسی اے 36 چھٹے نمبر پر ہیں۔سام سنگ گلیکسی اے 55 ساتویں، نتھنگ فون (3 اے)آٹھویں، شیامی پوکو ایکس 7 پرو نویں اور 10 ویں نمبر پر شیامی 15 براجمان ہیں۔
