اسلام آباد (این این آئی) وفاقی حکومت نے پٹرولیم منصوعات کی قیمتیں حالیہ سطح پر برقرار رکھنے کا فیصلہ کیا ہے۔ جاری بیان کے مطابق وزیراعظم شہبازشریف نے کہا ہے کہ پیٹرولیم کی قیمتیں سابق سطح پر براقرار رکھتے ہوئے اس کا پورا مالی فائدہ بجلی قیمتوں میں عوام کو منتقل کرنے کا فیصلہ کیا ہے۔انہوں نے کہا کہ یہ اقدام ان بہت سے دیگر اقدامات میں سے ایک ہے جو بجلی کے نرخوں میں بامعنی کمی کا باعث بنیں گا۔
انہوں نے کہا کہ بجلی کے نرخوں میں کمی کے حوالے سے ایک جامع اور موثر حکمت عملی کے تحت پیکیج تیار کیا جا رہا ہے جس کی تفصیلات کو حتمی شکل دے رہے ہیں۔ انہوں نے کہا کہ عالمی منڈی میں تیل کی قیمتوں میں ردوبدل کے فرق سے پیدا ہونے والی مالی گنجائش اور دیگر اقدامات سے بجلی کی قیمتوں میں عوام کو بڑا ریلیف دینے کا پیکیج تیار ہے،بجلی کے نرخوں میں کمی کے حوالے سے پیکیج کا اعلان آئندہ چند ہفتوں میں کیا جائے گا۔ انہوں نے کہا کہ سنبھالتے ہی عوامی ریلیف کو ترجیح دینے کا عہد کیا تھا،اس ریلیف سے نہ صرف بجلی کی قیمتیں کم ہوں گی بلکہ اثر مجموعی طور پر مہنگائی پر پڑے گا اور اس میں مزید کمی واقعہ ہوگی۔
