لاہور( این این آئی)پاک سوزوکی نے اپنی مقبول ہیچ بیک گاڑی ویگن آر کی بکنگ مستقل طور پر معطل کرنے کا اعلان کر دیا۔ رپورٹ کے مطابق کمپنی کی جانب سے چند ماہ قبل گاڑی کے سرفہرست ویرینٹ کی بکنگ بند کر دی گئی تھی جس کے بعد یہ افواہیں زیر گردش کر رہی تھیں کہ دیگر ویرینٹس کی بکنگ بھی ختم کر دی جائے گی پاک سوزوکی نے اپنے ڈیلرز کو جاری کردہ آفیشل پیغام میں تصدیق کی کہ پاک سوزوکی موٹر کمپنی لمیٹڈ نے سوزوکی ویگن آر کے تمام ویرینٹس کی بکنگ مستقل طور پر معطل کر دی ہے۔

کمپنی نے بتایا کہ مذکورہ فیصلہ 11مارچ 2025سے فوری طور پر نافذ العمل ہوگا۔ ہیچ بیک ویگن آر کو پاکستان میں 2014میں تین ویرئنٹز میں متعارف کرایا گیا تھا ۔