اسلام آباد(این این آئی) نیپرانے ملک بھر کے بجلی کے صارفین کیلئے ماہانہ ایڈجسٹمنٹ کی مد میں بجلی کی قیمت میں کمی کردی ۔نیپرانے بجلی کے صارفین کو ماہانہ ایڈجسٹمنٹ کی مد میں قیمت میں کمی کا نوٹیفکیشن جاری کردیا ہے، جس کے مطابق کراچی کے لیے بجلی کی قیمت میں 3روپے فی یونٹ کی کمی کردی گئی ہے۔

کراچی کے علاوہ ملک کے دیگر صارفین کیلئے بجلی 2روپے 12پیسے فی یونٹ سستی کردی گئی ہے۔نیپرا نے ماہانہ ایڈجسٹمنٹ میں بجلی کی قیمت میں کمی کے الگ الگ نوٹیفکیشنز جاری کردئیے ہیں اور کہا گیا ہے کہ صارفین کو کمی کا ریلیف مارچ کے بلوں میں ملے گا۔نوٹیفکیشن کے مطابق کے الیکٹرک کیلئے بجلی دسمبر 2024کی ماہانہ ایڈجسٹمنٹ میں سستی کی گئی اور ملک کے دیگر صارفین کیلئے جنوری 2025کی ایڈجسٹمنٹ میں بجلی کی قیمت میں کمی کی گئی ہے۔