کراچی (این این آئی)سونے کی فی تولہ قیمت میں بڑی اچھال دیکھنے میں آئی ہے، ایک ہی دن میں 2200روپے کا اضافہ ہوگیا۔آل پاکستان جیمز اینڈ جیولرز ایسوسی ایشن کے مطابق سونے کی فی تولہ قیمت میں اضافے کا یہ مسلسل دوسرا دن ہے، گزشتہ روز 2500روپے کی بڑھوتری دیکھنے میں آئی تھی۔

بدھ کے روز سونے کی فی تولہ قیمت میں 1600 روپے کی کمی ریکارڈ کی گئی تھی، جس کے بعد دو دنوں میں 4700روپے کا اضافہ دیکھنے میں آیا ہے۔آل پاکستان جیمز اینڈ جیولرز ایسوسی ایشن کے مطابق حالیہ اضافے کے بعد سونے کی فی تولہ قیمت 3لاکھ 6ہزار 200روپے ہوگئی ہے۔دوسری طرف عالمی مارکیٹ میں 20ڈالر کے اضافے کے بعد سونے کی فی اونس کی قیمت 2ہزار 933ڈالر تک پہنچ گئی ہے۔