بدھ‬‮ ، 12 فروری‬‮ 2025 

ملک میں تیل و گیس کی پیداوار کے حوالے سے بڑی خوشخبری

datetime 23  جنوری‬‮  2025
ہمارا واٹس ایپ چینل جوائن کریں

کراچی(این این آئی)ملک میں تیل اور گیس کی پیداوار کے حوالے سے بڑی خوشخبری سامنے آگئی۔ خام تیل کے ذخائر اور گیس کی پیداوار میں اضافہ کردیا گیا۔آئل اینڈ گیس ڈیولپمنٹ کمپنی لمیٹڈ (او جی ڈی سی ایل)نے خام تیل کے ذخائر کی پیداوار میں اضافے کا اعلان کردیا۔ او جی ڈی سی ایل نے خام تیل کی پیداوار میں اضافے سے متعلق تفصیلات پاکستان اسٹاک ایکسچینج کی انتظامیہ کوفراہم کردی ہیں۔

کمپنی کی جانب سے جاری کردہ خط کے مطابق حیدآباد میں واقع کنر آئل فیلڈ 12سے خام تیل کی یومیہ پیداوار 1060 بیرل سے بڑھا کر 1820 بیرل ہوگئی ہے۔کنر آئل فیلڈ 12 میں جیٹ پمپ کی جگہ الیکٹریکل پمپ سے خام تیل کی پیداوار کو 760 یومیہ بیرل بڑھایا گیا ہے۔ خط کے مطابق کنر آئل فیلد 6 سے خام تیل کی پیداوار کو دوبارہ آرٹیفیشل لفٹ سسٹم کے ذریعے بحال کردیا گیا ہے۔ خط میں یہ بھی بتایا گیا ہے کہ کنر آئل فیلڈ 6 میں خام تیل کنوئیں کو پانی کی ذیادہ مقدار کی وجہ سے بند کردیا تھا۔ کنر آئل فیلڈ 6سے خام تیل کی پیداوار دوبارہ بحالی سے 400بیرل یومیہ ہوگئی ہے۔ حیدرآباد میں واقع دونوں آئل فیلڈز سے خام تیل کی پیداوار میں یومیہ 1160 بیرل کا اضافہ ہوا ہے۔دوسری جانب پاکستان پیڑولیم لمیٹڈ نے بھی گیس کی پیداوار میں اضافے کی خوشخبری سنادی۔

صوبہ سندھ سے گیس ذخائر کی پیداوار میں اضافے کی اطلاع پاکستان اسٹاک ایکسچیبج کو موصول ہوگئی۔ خط کے مطابق پاکستان پیڑولیم لمیٹڈ نے گمبٹ میں شہداد ایکس ون فیلڈ سے گیس ذخائر کی پیدوار میں بڑا اضافہ کردیا ہے۔ گیس کی پیداوار کنوئیں سے 2.2 ایم ایم ایس سی ایف ڈی سے بڑھا کر 8.4ایم ایم سی ایف ڈی کردی گئی۔ خط کے مطابق گمبٹ فیلڈ کی کھدائی 2012 میں کی گئی تھی اور پیداواری عمل 2015سیشروع ہوا تھا۔ گمبٹ گیس فیلڈ سے 2024 میں گیس کی پیداوار پانی کی مقدار میں اضافیسے شدید متاثر تھی۔ اگست 2024 میں کمپنی نے گیس فیلڈ کا پروڈکشن لاگنگ ٹول سروے کیا۔ گیس فیلڈ میں پانی کیبہا کو کم کرنے کیلئے کوائلڈ ٹیوبنگ سروس کو استعمال کیا گیا۔ گیس فیلڈ میں واٹر شٹ آپریشن کو 32 گھنٹوں بعد ایسڈ سیمنٹ ٹیکنیک سے مکمل کیا گیا۔

آج کی سب سے زیادہ پڑھی جانے والی خبریں


کالم



بے ایمان لوگ


جورا (Jura) سوئٹزر لینڈ کے 26 کینٹن میں چھوٹا سا کینٹن…

صرف 12 لوگ

عمران خان کے زمانے میں جنرل باجوہ اور وزیراعظم…

ابو پچاس روپے ہیں

’’تم نے ابھی صبح تو ہزار روپے لیے تھے‘ اب دوبارہ…

ہم انسان ہی نہیں ہیں

یہ ایک حیران کن کہانی ہے‘ فرحانہ اکرم اور ہارون…

رانگ ٹرن

رانگ ٹرن کی پہلی فلم 2003ء میں آئی اور اس نے پوری…

تیسرے درویش کا قصہ

تیسرا درویش سیدھا ہوا‘ کھنگار کر گلا صاف کیا…

دجال آ چکا ہے

نیولی چیمبرلین (Neville Chamberlain) سرونسٹن چرچل سے قبل…

ایک ہی راستہ بچا ہے

جنرل احسان الحق 2003ء میں ڈی جی آئی ایس آئی تھے‘…

دوسرے درویش کا قصہ

دوسرا درویش سیدھا ہوا‘ کمرے میں موجود لوگوں…

اسی طرح

بھارت میں من موہن سنگھ کو حادثاتی وزیراعظم کہا…

ریکوڈک میں ایک دن

بلوچی زبان میں ریک ریتلی مٹی کو کہتے ہیں اور ڈک…