اسلام آباد(این این آئی) عالمی بینک نے پاکستان کیلئے 45کروڑ ڈالر قرض کی منظوری دیدی ہے۔میڈیارپورٹ کے مطابق عالمی بینک کی جانب سے جاری کردہ رپورٹ میں بتایاگیاہے کہ رقم سندھ فلڈایمرجنسی ہاؤسنگ ری کنسٹرکشن پراجیکٹ پرخرچ کی جائیگی،یہ رقم متاثرہ علاقوں میں گھروں کی تعمیر نو میں مدد دے گی، پانی، صفائی اورحفظان صحت کی سہولت فراہمی میں بھی مددملے گی۔

رپورٹ میں کہا گیا کہ نئی معاونت2022میں منظورہونے والے50کروڑڈالرکے منصوبے پرمبنی ہوگی،منصوبے کے تحت 4لاکھ 10ہزار بنیادی رہائشی یونٹس کی مالکانہ تعمیرشامل ہے،اضافی مالی معاونت سے سندھ میں کم از کم 360,000مزید افراد مستفید ہوں گے۔رپورٹ میں کہا گیا کہ یہ رقم ان افراد کیلئے جامع رہائشی تعمیرنوکی کوششوں کو وسعت دینے کیلئے ہے،یہ اضافی وسائل کم ازکم 30,000محفوظ پانی حفظان صحت کی سہولیات فراہم میں مدد دیں گے۔