اسلام آباد (این این آئی)گاڑیوں کی خریداری کیلئے قرضوں میں نصف فیصد کمی ہوگئی۔سٹیٹ بینک کے مطابق نومبر میں شہریوں نے آٹو فنانسنگ کی مد میں 234ارب 64کروڑ روپے قرضہ لیا، اکتوبر میں یہ مالیت 235ارب 88کروڑ روپے تھی،نومبر 2023میں 257ارب روپے قرضہ لیا گیا تھا۔

بیان کے مطابق سالانہ بنیاد پر آٹو فنانسنگ میں 8.7فیصد کمی ریکارڈ کی گئی ہے۔تجزیہ کاروں کے مطابق بلند شرح سود، گاڑیوں کی قیمتوں میں اضافے، گاڑیوں اور پرزہ جات کی درآمد پر بھاری ٹیکسوں کی وجہ سے شہریوں نے آٹو فنانسنگ کے تحت گاڑیوں کی خریداری کم کی ہے۔