اسلام آباد (این این آئی)پاکستان اسٹاک ایکسچینج (پی ایس ایکس) کا 100 انڈیکس پی ٹی آئی احتجاج کے خاتمے کے بعد 8 کاروباری دنوں میں مسلسل مثبت رہا۔انڈیکس 8 روز میں 14 ہزار 479 پوائنٹس بڑھا ہے، مارکیٹ کیپٹلائزیشن احتجاج خاتمے سے 1 ہزار 802 ارب روپے بڑھی ہے۔حصص بازار میں 8 روز سے اوسط یومیہ 1 ارب 44 کروڑ شیئرز کے سودے 48 ارب روپے میں طے ہوئے۔

پی ایس ایکس کا 100 انڈیکس 814 پوائنٹس اضافے سے 1 لاکھ 9 ہزار 53 پر بند ہوا ہے۔کاروباری دن میں 100 انڈیکس 927 پوائنٹس کے بینڈ میں رہا، انڈیکس نے تاریخ کی نئی بلند ترین سطح 1 لاکھ 9 ہزار 478 بنائی ہے۔حصص بازار میں ایک ارب 69 کروڑ شیئرز کے سودے 57 ارب روپے میں طے ہوئے ہیں، مارکیٹ کی کیپٹلائزیشن 109 ارب روپے بڑھ کر 13 ہزار 855 ارب روپے ہے۔