کراچی(این این آئی)آئی ٹی ایکسپرٹ کے مطابق 300ملین ڈالر کی آئی ٹی ایکسپورٹ کا نقصان اور کمپنیز سمیت فری لانسرز کی دنیا بھر میں ساکھ پر سوالیہ نشان لگ گیا ہے،دوسری جانب حکومت نے وی پی اینز یعنی ورچوئل پرائیویٹ نیٹ ورکس کی رجسٹریشن کا آغاز کردیاہے۔آئی ٹی ایکسپرٹ نعمان سعید کے مطابق دنیا بھر میں آئی ٹی کمپنیزسمیت فری لانسرزکی ساکھ پر سوالیہ نشان لگ گیا،دنیا ترقی کررہی ہے اورہم ابھی تک فائروال اوروی پی این میں لگے ہوئے ہیں،مسئلے کے حل کیلئے لانگ ٹرم اور شارٹ ٹرم پالیسیاں بنانا ہونگی۔دوسری جانب حکومت نے وی پی اینز یعنی ورچوئل پرائیویٹ نیٹ ورکس کی رجسٹریشن کا آغاز کردیاآئی ٹی ماہرین کے مطابق وی پی این کے بغیر ای کامرس ناقابل تصور ہے،وی پی این کی بندش سے ای کامرس مکمل بند ہوجائے گی۔
وی پی این کی رجسٹریشن کے عمل سے ٹیکس کا دائرہ کار بھی بڑھے گا اور حکومت یا ریاست مخالف پروپیگنڈے کا خاتمہ بھی ممکن ہوگا۔پی ٹی اے کے مطابق اس وقت ملک میں 25ہزار سے زائد وی پی این رجسٹرڈ ہوچکے ہیں،ملک میں 25 لاکھ کے قریب فری لانسرزیا پھرایسے سافٹ ویئرڈویپلرز ہیں جو پاکستان سافٹ ویئرایکسپورٹ بورڈمیں رجسٹرڈ ہی نہیں۔
ماہرآئی ٹی اینڈ سوشل میڈیا کے مطابق انٹرنیٹ پرآج کل وی پی این کے بغیرنہ ای کامرس کا کوئی تصور ہے نہ آئی ٹی ایکسپورٹس کا نہ بزنس کا،اگر وی پی این مکمل طور پربندہوجاتا ہے تو کام ہمارا بالکل بند ہوجائے گا۔دنیابھرمیں تیز تیرین محفوظ ترین انٹرنیٹ کیلئے وی پی این یعنی ورچوئل پرائیویٹ نیٹ ورکس کا استعمال عام ہے،آئی ٹی کی صنعت، فری لانسنگ اوردیگر آن لائن کاروبار کے لیے وی پی این ریڑھ کی ہڈی سمجھا جاتا ہے۔
