اسلام آباد(این این آئی)دریائی پانی میں اضافہ ہونے کے بعد اب بجلی فی یونٹ سستی ہونے کا امکان ہے ۔دستاویزات کے مطابق جون 2024میں پانی سے بجلی کی مجموعی پیداوارمیں 4.17فیصد اضافہ ہواجس کی وجہ سے فیول کاسٹ ایڈجسٹمنٹ میں 70پیسے فی یونٹ کمی کا امکان ہے جس سے بجلی صارفین کو 9ارب روپے سے زائد کا ریلیف ملے گا۔

دستاویز کے مطابق جولائی میں ملنے والے بلوں میں فی یونٹ ایف سی اے2روپے63پیسے ہوگا،پن بجلی کامجموعی پیداوارمیں حصہ4.17فیصدبڑھ گیا، مئی میں پن بجلی30.96فیصد،جون میں35.13فیصد ہوگئی ہے ،جون 2024میں 13ارب 45کروڑ 90لاکھ یونٹ بجلی پیدا کی گئی،مئی کیلئے نیپرا نے فی یونٹ ایف سی اے 3روپے 3پیسے کی وصولی کی اجازت دی تھی۔