اہور( این این آئی)ایل پی جی کی قیمت میں مزید 15روپے فی کلو بلاجواز اضافہ کر دیا گیا ۔چیئرمین ایل پی جی ڈسٹری بیوٹرز ایسوسی ایشن عرفان کھوکھر کے مطابق ایل پی جی مارکیٹنگ کمپنیوں کی بلیک مار کیٹنگ دھڑلے سے جاری ہے ،ملک بھر میں سرکاری قیمت پر کسی بھی جگہ ایل پی جی دستیاب نہیں۔اوگرا نے سرکاری قیمت234 روپے 60پیسے مقر کی جبکہ مختلف مقامات پر ایل پی جی 300روپے سے 315روپے فی کلو پر فرخت ہو رہی ہے۔اضافے کے بعد گھریلو سلنڈر 180روپے اورکمرشل سلنڈر675روپے مزید مہنگا ہو گیا ہے ۔

گھریلو سلنڈر کی کی سرکاری قیمت 2770 ہے تاہم مارکیٹ میں اس کی 3600سے 3780روپے میں فروخت جاری ہے ، اسی طرح کمرشل سلنڈر10715روپے کی بجائے 13500سے 14175روپے میں فروخت کیا جارہا ہے۔انہوںنے کہاکہ کریک ڈائون کی وجہ سے بلیک میں فروخت جاری ہے ، لوگوں نے مارکیٹوں میں کاروبار بند کر چھپ کر گھروں میں فلنگ کا کام شروع کر دیا ہے اور کسی بھی حادثے کے نتیجے میں زیادہ جانی نقصان کا اندیشہ ہے ، ہم حکومت سے اپیل کر رہے ہیں کہ ایل پی جی کے کاروبار کے حوالے سے کوئی ضابطہ اخلاق بنائے ہم حکومت کے ساتھ مل کر اس پر عملدرآمد کو یقینی بنائیں گے۔