کراچی(این این آئی)پاکستان میں گاڑیوں اور موٹر سائیکلوں کی گرتی ہوئی سیلز کے پیش نظر کمپنیاں صارفین کو متوجہ کرنے کیلئے مختلف آفرز دے رہی ہیں اور اسی صورتحال کی شکار یاماہا نے موٹر سائیکل خریدنے والوں کو بڑے انعامات جینے کا موقع فراہم کردیاہے ۔تفصیلات کے مطابق یاماہا نے نئی مہم شروع کی ہے جسے یاماہا میگا ونز (Yamaha Mega Wins) کا نام دیا گیاہے،یکم جون سے 31 اگست 2024 تک، یاماہا موٹر سائیکل کے خریداردلچسپ انعامات جیت سکتے ہیں۔کمپنی کے اعلان کے مطابق موٹر سائیکل خریدنے والے 60 خوش نصیبوں کو نئے سمارٹ فونز سے نوازا جائے گا۔

مزید برآں، 30 خوش نصیب جیتنے والوں کو عمرہ کے لیے واپسی کے ٹکٹ ملیں گے۔قرعہ اندازی جتنے والے 300 افراد ایسے ہوں گے جنہیں چھ ماہ کیلئے کار آمد فیول کارڈز فراہم کیے جائیں گے جس سے ان کے سفری اخراجات میں بڑی کمی واقع ہو گی ۔اس سے قبل کمپنی کی جانب سے مارچ میں Yamaha YBR 125G خریدنے کے خواہشمندوں کو خوشخبری سنائی کہ وہ اسے 12 ماہ کی آسان اقسا ط میں بغیر کسی انٹرسٹ کے حاصل کر سکتے ہیں ، جس کی ماہانہ قسط 29 ہزار روپے ہو گی ۔