مکوآنہ (این این آئی)بجلی کی قیمت میں اضافے کے ساتھ ہی سولر پلیٹس اور الیکٹرنکسں سامان کی قیمتوں کو بھی پر لگ گئے۔ ایک ہفتے کے دوران مارکیٹوں میں الیکٹرونکس کی قیمت میں 20 فیصد تک اضافہ ہو گیا۔تفصیلات کے مطابق بجلی کی قیمتوں میں 7 روپے 5 پیسے فی یونٹ اضافہ سے الیکٹرانکس کا سامان مہنگا ہو گیا، سولر پلیٹس کی قیمتوں میں بھی 20 فیصد اضافہ کر دیا گیا۔

مارکیٹ ذرائع کے مطابق بجلی کے ریٹ بڑھنے سے سولر اور الیکٹرنکسں کے دیگر سامان جس میں فریج، اے سی، ایل ای ڈی، واشنگ مشین، ڈرائیر، ہیٹر، گیزر سمیت متعدد اشیا کی قیمتیں بڑھ رہی ہے۔گھر کیلئے فریج، ہیٹر لینا ہو یا سولر پلیٹیں، شہریوں کی قوت خرید سے باہر ہیں، شہری دوہری اذیت میں مبتلا ہیں۔ شہریوں نے مطالبہ کیا ہے کہ بجلی سے چلنے والی اشیا کی قیمتوں میں کمی لائی جائے تاکہ انکی مشکلات کم ہو سکیں۔