لاہور( این این آئی) کار ساز کمپنیوں نے گاڑیوں کی فروخت کو بڑھانے کیلئے کسٹمررز کو متوجہ کرنے کیلئے پر کشش پیشکش متعارف کروا دی گئیں ۔تفصیلات کے مطابق ٹیوٹا کرولا نے حال ہی میں متعارف گئی اپنی نئی گاڑی کرولا کراس ہائبرڈ کی فروخت بڑھانے کیلئے پرکشش پیشکش متعارف کروا دی ہے ، کمپنی نے بینکس کے نام جاری کرتے ہوئے کہا کہ اگر صارف ان بینکس کے ذریعے اپنی گاڑی بک کرواتے ہیں تو انہیں کم سے کم مارک اپ، کم ترین انشورنس ریٹس اور ترجیحی ڈیلیوری دی جائے گی ۔جن بینکس پر یہ سہولت میسرہو گی ان میں بینک الفلاح، ایچ بی ایل، میزان بینک، ایم سی بی ، بینک آف پنجاب، فیصل بینک سمیت دیگر بینکس شامل ہیں ۔

دوسری جانب کیا موٹرز نے بھی کسٹمرز کی توجہ حاصل کرنے کیلئے زبردست آفرز کا اعلان کر دیاہے جن میں کیش بیک اور انسٹالمنٹ کی صورت میں ہو گا، یہ پیشکش صرف اور صرف 31 جنوری تک حاصل کی جا سکے گی ،کیا موٹرز اپنے نئے کسٹمرز کو پکانٹو اے ٹی کی خریداری پر 50 ہزار روپے کیش بیک کی سہولت دے رہی ہے جبکہ سپورٹیج کے تمام ماڈلز پر ڈیڑھ لاکھ روپے تک کیش بیک دیا جائے گا ۔کیا موٹرز نے اپنی معروف گاڑی سورینٹو کیلئے بغیر انٹرسٹ انسٹالمنٹ پلان متعارف کروا دیا ہے جس کی قیمت 89 لاکھ 99 ہزار روپے سے شروع ہوتی ہے ۔

سوزوکی بھی اس دوڑ میں پیچھے نہیں رہا بلکہ اس نے سویفٹ کے جی ایل سی وی ٹی ماڈل پر ایک لاکھ روپے بونس دینے کا اعلان کر دیاہے اور یہ آفر صرف جنوری میں ہی حاصل کی جا سکتی ہے ۔مشہور چینی کمپنی چینگان نے بھی اپنی گاڑی اوشان ایکس سیون کی خریداری پر 3 لاکھ روپے کی چھوٹ دینے کا اعلان کر دیاہے ، یہ آفر صرف جنوری تک ہی محدود ہے ۔